Shaina magpa-sexy na?

Naglibog kuno karon ang mga taga ABS-CBN kon unsay maayong proyekto alang kang Shaina Magdayaw nga, pila na man ka mga projects nga gihimo alang kaniya og gisuwayan na nila sa pagpares kang Shaina sa pipila ka mga batan-ong artista nga matud pa, nakagusto usab kaniya, apan wa man gyod kuno mo-click ang iyang mga shows.

Gani, gi-pirate pa kuno sa ABS-CBN gikan sa mga Kapuso, si Jojo Revilla nga anak sa mga Kapuso nga sila si Bong Revilla ug Lani Mercado nga gihatagan usab og kagawasan sa mga ginikanan, apan walay nahimo si Jojo sa pagsaka sa career ni Shaina busa, gipares si Shaina kang Alwyn Uytingco, apan wa gihapon mokubit ang mga televiewers, busa nakahunahuna na ang mga taga Kapamilya nga ipares si Shaina og mas matured diin, kon mahimo pa gani kuno, magpa sexy na si Shaina kinsa, giisip nga usa sa labing maanyag nga batan-ong artista sa nasud, dili lang sa ABS-CBN.