PDEA-7 nangita sa listahan sa drug personalities
blog.southernoak.com
CEBU, Philippines - Wala katunga sa kinatibuk-ang ihap sa mga barangay tibuok Lalawigan sa Sugbo ang nakasumitir og listahan sa ilang mga drug personalities ngadto sa buhatan sa Philippine Drug Enforcement Agency (PDEA)-7.
Moabot lang sa 67 gikan sa 1,066 ka barangay sa probinsiya ang nakahatag sa maong listahan matud pa sa regional director sa PDEA-7 nga si Yogi Felimon Ruiz. Kahinumduman nga nangayo siya sa maong listahan aron iya sab kining mahatag ngadto kang Presidente Rodrigo Duterte sa dili pa ang iyang ikaduha nga State of the Nation Address karong Lunes.
Gibutyag ni Ruiz nga posibleng pakyas ang ubang barangay sa pag-convene sa ilang tagsa-tagsa ka Barangay Anti-drug Abuse Council.
Matod niya nga ang 40 ka barangay gikan sa Dakbayan sa Bogo ug Lungsod sa San Remigio nga bag-o lang gideklarar nga drug cleared barangays, ang nakasumiter ilang listahan samtang adunay 27 gikan sa lain pang barangay.
Nagkanayon sab si Ruiz nga adunay ubang barangay nga wala maka-comply o makapasar sa rekisitos nga gikinahanglan aron madeklara nga drug cleared apan nakasumiter gihapon og listahan sa drug personalities sa ilang lugar ngadto sa PDEA.
Sa pagkakaron nagpaabot pa siya sa direktiba sa ilang labaw kon unsay himoong lakang sa mga barangay nga wala makasumiter og listahan. - /DILT) (BANAT NEWS)
- Latest
