79 ka mag-uuma sa Bohol nakadawat na og titulo sa yuta
CEBU, Philippines — Mikabat sa 79 ka mga mag-uuma gikan sa munisipalidad sa Danao, Bohol nga mga Agrarian Reform Beneficiaries (ARBs) ang nakadawat sa ilang Electronic Titles (E-Titles) ug Certificates of Land Ownership Awards (CLOAs) atol sa distribution ceremony nga gipangunahan sa Department of Agrarian Reform Region 7 (DAR-7).
Sa kinatibuk-ang ihap, 41 ang mga babayeng mag-uuma nga mas makahuluganon nga nagsaulog sa National Women's Month pinaagi niining programa nga makapahimo kanila nga makaangkon og titulo sa yuta, sumala sa DAR-7.
Samtang, 38 ka mga lalaking mag-uuma gikan sa samang lungsod nakadawat usab sa ilang E-title ug CLOA. Sa kinatibuk-an adunay 79 ka mga ARBs ang gipang-apod-apod sa 88 ka mga E-title ug CLOA nga naglangkob sa kapin 69.2827 nga ektarya sa yuta.
Mokabat sa 71 ka mga ARBs ang nakadawat sa CLOA nga naglangkob sa kapin 61.7526 ka ektarya sa yuta.
Samtang, walo ka mga ARBs ang nakadawat sa 16 ka mga E-title ubos sa Support to Parcelization of Lands for Individual Titling (SPLIT) Project nga naglangkop sa kapin 7.5301 ka ektarya sa yuta.
Ang mga ARBs nga nidawat sa mga titulo ug sertipiko naggikan sa nagkalainlaing barangay sa Danao, Bohol, lakip na ang barangay Carbon, Hebale, Tabok, Cabatuan, ug uban pa.
Walo ka mga ARBs ang nakadawat sa 16 ka mga E-title ubos sa Support to Parcelization of Lands for Individual Titling (SPLIT) Project nga naglangkop sa kapin 7.5301 ka ektarya sa yuta.
Ang mga ARBs nga nidawat sa mga titulo ug sertipiko naggikan sa nagkalainlaing barangay sa Danao, Bohol, lakip na ang barangay Carbon, Hebale, Tabok, Cabatuan, ug uban pa. (BANAT NEWS)
- Latest
