Alex the great

Ilang gabi din ako napuyat kakapanood ng mga laban ni Alex Eala sa Miami Open this week.

Sulit naman.

Si Alex ang pambato natin sa women’s tennis. At sa Miami, nagulat at nagbunyi ang lahat sa pinakita niya.

Wildcard siya sa tournament. Kumbaga, gatecrasher dahil sa world ranking niya na No. 140.

Pero sunud-sunod na panalo, kabilang na sa world No. 25 na si Jelena Ostapenko, No. 5 Madison Keys and No. 2 na si Iga Swiatek.

Puro heavyweight. Puro Grand Slam champions. Dehins ako maniwala sa nakikita ko.

Sa semis na natalo si Alex, laban sa world No. 4 na si Jessica Pegula. Napagod na din siguro at may ininda na sa binti, sa balakang at sa paa.

Not bad pa din dahil in one week, nakilala siya sa buong mundo ng tennis.

Mula sa No. 140 sa mundo, No. 75 na si Alex ngayon. Isa pang magandang tournament, baka nasa Top 50 na siya.

Wala pang Pinoy tennis player ang umabot sa level niya.

Humakot din ng $332,000 or halos P19 million si Alex kaya malayo ang mararating nito sa kanyang kampanya overseas.

Sa next tournament ni Alex, okay lang ulit mapuyat.