F4 target ng Junior Altas
MANILA, Philippines — Ang pagwalis ng tournament leader Univesity of Perpetual Help System DALTA sa huli nilang tatlong laro ang magpapasok sa kanila sa Final Four ng NCAA Season 100 junior basketball tournament.
Kaya naman tuluy-tuloy ang ensayo ng Junior Altas ni coach Joph Cleopas sa kanilang pagharap sa Emilio Aguinaldo College Brigadiers matapos ang 10-day break sa Marso 23 sa EAC Gym sa Ermita, Manila.
Bumabandera ang Junior Altas sa kanilang 5-1 kartada. Huli nilang tinalo ang Jose Rizal Light Bombers, 85-78.
Muling sasandig si Cleopas kina Lebron Jhames Daep, Jim Corpuz, Jan Roluna, Jericho Cristino, JD Pagulayan, Icee Callangan, TJ Tabbuan, Louie Rosales, Kurt Velasquez at Aries Borja.
Ang panalo sa Brigadiers ang magbibigay sa Junior Altas ng playoff berth sa Final Four.
- Latest
