Babae tepok sa sunog sa Batangas

MANILA, Philippines — Patay ang isang babae matapos makulong ng apoy sa loob ng nasusunog nitong tahanan sa Brgy. San Juan, Mabini, Batangas nitong Martes ng hapon.

Kinilala ang biktima na si Michelle Hernandez, residente ng Brgy. San Juan sa bayang ito.

Sa inisyal na ulat ng Batangas Fire Marshal, ang nasabing biktima ay nag-iisa sa kaniyang tahanan nang mangyari ang sunog.

Ang biktima ay nabi­go nang mailigtas dahil sa nababalutan na ng apoy ang buong kabahayan.

Nagresponde naman ang mga bumbero sa lugar matapos matanggap ang report sa nagaganap na sunog na inapula ng mga ito.

Nadiskubre naman ang bangkay ng ginang sa isinagawang mopping-up operations ng awtoridad.