SGA idinagdag si Koon sa lineup
MANILA, Philippines — Idinagdag pa ng Strong Group Athletics (SGA) si Ateneo de Manila University Blue Eagles standout Chris Koon sa lineup nito para sa darating na 34th Dubai International Basketball Championships na gaganapin sa huling bahagu ng Enero.
Makakasama ni Koon sa koponan sina four-time NBA All-Star DeMarcus Cousins, Malachi Richardson at Terry Larrier.
Nasa lineup din ng SGA sina Mikey Williams, Rhenz Abando, Dave Ildefonso at naturalized Filipino players Angelo Kouame at Andray Blatche.
Nagtala si Koon ng mga averages na 7.58 points, 4.17 rebounds at 1.83 assists para sa Blue Eagles sa nakalipas na season ng UAAP Season 87.
“He has good size as a wing, can shoot, can defend. I think he will be a good role player for us. And we all know he’s been well coached and comes from a great school and program, so it’s good to have him,” wika ni SGA head coach Charles Tiu.
Kumpiyansa si Tiu na makakatulong si Koon sa kampanya ng SGA sa Dubai tournament.
Target ng SGA na masungkit ang korona matapos magkasya sa runner-up trophy noong nakaraang taon kung saan naging import ng team si dating NBA center Dwight Howard.
- Latest
