CTTO walay naisyuhan og citiation nga manaygonay
CEBU, Philippines — Ang Cebu City Transportation Office (CTTO) wala pay naisyuhan og citation ticket nga mga manaygonay sa mga sakyanan ug kadalanan diin lakip sila ang gitahasan sa Cebu City Anti-Mendicancy Task Force sa pagpatuman sa balaod sa anti-mendicants.
Kini ang gibutyag ni Raquel Arce, pangulo sa CCTO.
Matud ni Arce nga wala pa sila’y naisyuhan og citation ug padayon gihapon ang ilang information dissemination nga gidili ang paghatag diha sa kadalanan ug mga sakyanan.
Si Arce nagtuo nga nituhop ang ilang pagpahibalo tungod kay wala pa sila’y naisyuhan ug citation ticket.
Gibutyag ni Arce nga wala pa usab sila’y nadawat nga report nga adunay mga mendicants nga naghugop sa pipila ka mga dapit. Si Arce nidasig sa publiko nga motaho sa mga dapit kong adunay presensiya sa mga makililimos.
Dugang ni Arce nga kadtong mga malapason nga masakpan makamulta gayud ug kong dili makabayad mopahigayon sila og community service. (BANAT NEWS)
- Latest
