Blazers minasaker ang Chiefs

MANILA, Philippines — Umiskor si Gab Cometa ng career-high 23 points para pamunuan ang College of St. Benilde sa 100-77 pagmasaker sa Arellano University sa se­cond round ng NCAA Season 100 men’s basketball kahapon sa FilOil EcoOil Centre sa San Juan City.

Patuloy ang pagsosolo sa liderato ng St. Benilde ha­wak ang 9-2 baraha, habang bagsak ang Arella­no sa 3-8.

Kumolekta si Justine Sanchez ng 14 points, 10 re­bounds at 3 assists, habang naglista si center Allen Liwag ng 12 markers, 6 boards at 5 asssists.

Nauna nang tinalo ng Chiefs ang Blazers sa first round.

“Siyempre, coming off a loss to them gusto naming bumawi. We felt that in the last game we should have won, but we were careless and threw the ball away a lot,” sabi ni St. Benilde coach Charles Tiu.

Pinamunuan ni Basti Valencia ang Arellano sa ki­namadang game-high 25 points.

Sa ikalawang laro, tinapos ng San Sebastia College-Recoletos ang ka­nilang eight-game losing slump matapos itakas ang 87-85 panalo sa Jose Rizal University.

Itinaas ng Stags ang lar­tada sa 3-8 katabla ang Heavy Bombers sa ilalim ng team standings.