Docu-film ni Pilita, ‘di pa maharap ni Janine

Hindi maikakaila na may unawaan na sina Jericho Rosales at Janine Gutierrez, dalawa sa lead stars ng bagong simulang TV series ng ABS-CBN, ang Lavender Fields, kung saan si Jodi Sta. Maria ang nasa title role.

Kasama ni Janine si Jericho sa ika-85th birthday ng kanyang Mamita (grandmother), ang Asia’s Queen of Songs na si Pilita Corrales na ginanap sa Champagne Room ng Manila Hotel na si Janine mismo ang nag-host more than a week ago na. At nagpaunlak pa ito ng isang special song number gayundin sina Martin Nievera, Gary Valenciano at Dulce.

Dumalo sa nasabing okasyon ang mag-asawang Eddie Gutierrez at Annabelle Rama at maging si Eddie at kumanta rin ng isang Elvis Presley number.

Si Eddie ay may isang anak kay Pilita na si Ramon Christopher or Monching.

Naroon siyempre ang dalawang anak ni Pilita ma­ging ang kanyang mga apo kina Jackie Lou Blanco at Monching now numbering to seven at isang great grandchild sa kanyang apong si Kenneth Davao.

Although malakas pa si Pilita, hindi na umano ito tumanggap ng shows kaya pahinga na ang kanyang libong areglo, minus-ones at ang kanyang naggagandahang gowns.

Balak ni Janine na i-produce ang kanyang Mamita ng docu-film about her colorful life story bilang tribute sa Asia’s Queen of Songs who started singing in her teens pero hindi pa ito natutuloy.

Nakabalik na sa bansa Janine mula sa pagdalo sa Venice Film Festival.

Hindi nito ikinakaila na hinding-hindi umano niya makakalimutan ang kanyang naging experience sa Venice Filmfest kung saan ipinalabas ang kanyang pelikulang Phantosmia na pinamahalaan ni Lav Diaz.

Nasa cloud 9 pa rin ang pakiramdam ni Janine.