The French Global Invasion

Mayro’n nagaganap na French Global Invasion na may code name na 2BE3 pero, huwag kayong mag-alala, tatlong naggwagwapuhang lalaki lamang ito na ang layunin ay makapagbigay ng good music at clean fun sa music scene.

2BE3 has sold more than six million album sa France pa lamang. Ganun ka-popular sa kanilang bansa sina Adel Kachermi, Filip Nicolitch at Frank Delhaye na binigyan ng honor na mailagay sa wax sa Grevin Museum sa Paris, France na equivalent ng Madame’s Tussaud. Tampok din sila sa isang sikat na TV sitcom sa France. Dito sila nadiskubre ni producer/songwriter Desmond Child na nakagawa na ng kanta para kina Cher, Aerosmith, Bon Jovi, Ricky Martin at Christina Aguillera. Pinapirma sila nito para sa album na "Excuse my French".

Sa kasalukuyan ay nasa bansa ang grupo para sa promosyon ng kanilang album. Mananatili sila rito hanggang ngayong Hulyo 22. Pupunta sila sa mga malls to perform selected numbers from their album na ipinamamahagi ng Universal Records. Bukod sa malls nagperform din sila sa Eat Bulaga, Startalk, Master Showman at ngayong Linggo, Hulyo 22 sa SOP. Magpapa-interview din sila sa radyo (KC-FM, DWRT, DWTM, YES-FM, DZMB, STAR-FM, DWDM, KOOL at DWLS, DWRX at THE HIVE.