Patrol operations sa kapolisan sa rehiyon 7 gipalambo

CEBU, Philippines — Mas gipalambo sa Police Regional Office(PRO)-7 ang ilang patrol operations sa Central Visayas isip tubag sa direktiba ni Department of Interior and Local Government Secretary Atty. Benjamin Abalos ug Philippine National Police Chief Police General Rommel Francisco Marbil.

Ang maong direktiba naghatag og gibug-aton sa deployment sa foot patrols, Oplan Galugad, motorcycle patrols ug Oplan Sita aron mapalig-on ang police patrols sa rehiyon ug maka establisar og pagsalig ug komunikasyon sa komunidad nga giserbisyohan.

Gikinahanglan nga 85 porsyento sa tanang police personnel aktibo sa field duties ug menusan ang mga police nga na-assign sa mga opisina.  Nakita sa PNP nga ang heightened deployment sa PNP personnel sa pagpatrolya importante alang sa pagprotehir sa katawhan sa komunidad.

Subay na sa maong direktiba si PRO-7 Regional Director Brigadier General Anthony Aberin mimando sa Command Group ug Regional Staff apil na sa Unit Commanders sa pagsusi sa mga personnel nga naa sa field isip kabahin sa crime prevention strategy sa PRO-7.

Kini naglangkob sa strategic deployment sa mga troops sa crime prone areas alang sa daling pagresponde, pagtugbang sa foot ug beat patrollers.

Apil sab sa mag patrolya ang mga administrative personnel sa headquarters diha sa mga highly urbanized cities.  MEL BANAT NEWS