“Wag paglaruan” ni tiara nakadaog sa PhilPop himig handog

Nagmalampuson ang unang pagsulay ni Tiara Shaye sa usa ka songwriting contest tungod kay ang iyang kanta nga "Wag Paglaruan" maoy grand winner sa Philpop Himig Handog songwriting festival.

Ang "Wag Paglaruan" nga siya mismo ang nagkanta kauban si FANA kay usa ka electro-pop nga kanta kabahin sa mga red flag base sa nabasa ni Tiara sa social media.

Samtang, ang Bisaya entry ni Keith John Quinto nga "Buhi" nga gikanta ni Ferdinand Aragon maoy napiling 1st runner-up. Nidaog usab isip 2nd runner-up ang "Papahiram" ni Rinz Ruiz nga gikanta nila ni Moira ug Johnoy Danao.

Ang "Kurba" ni Alvin Serito nga gikanta ni Maki nakadaog og duha ka special awards. Nadaog niini ang Smart People's Choice award samtang ang music video niini nga giprodyus sa Chapters PH kay ginganlan og MYX Choice Award alang sa Best Music Video.

Ang Artist on a Mission nga si Kristine Lim miapil usab sa kompetisyon nga nikulit og espesyal nga tropeyo alang sa mga mananaog.

Lakip sa mga hurado sa finals night mao ang mga bantugang songwriter nga sila si Jungee Marcelo, Nica del Rosario, Trina Belamide, Yumi Lacsamana, Billboard Philippines editor-in-chief Bret Jackson, ug ABS-CBN Global managing director Maribel Hernaez.

Nitambong usab sa maong kalihukan sila si ABS-CBN Music and Integrated Events head Roxy Liquigan, ABS-CBN Global COO Jun del Rosario, ABS-CBN Music creatives, content, and operations head Jonathan Manalo, ug ang sikat nga musikero nga si Noel Cabangon.