Extradition vs Teves, ibinasura ng Timor Leste
MANILA, Philippines — Ibinasura ng Court of Appeals ng Timor Leste ang extradition request ng Pilipinas laban kay dating Negros Oriental Rep. Arnolfo “Arnie” Teves Jr..
Ayon sa Department of Justice (DOJ), labis nilang ikinadismaya ang desisyon ng appellate court, lalo na at dalawang beses na itong unang pinaboran ng hukuman doon.
Si Teves ay nahaharap sa multiple murder charges sa Pilipinas, kaugnay nang pagpatay kay dating Negros Oriental Governor Roel Degamo at ilang residente doon noong Marso 2023. Nagtago si Teves sa ibang bansa hanggang sa matunton sa Timor Leste.
Kaagad namang hiniling ng pamahalaan sa Timor Leste na ma-extradite si Teves na pinaboran ng hukuman noong Hunyo 2024.
Hindi naman ito kaagad na naipatupad matapos na iapela ng kampo ni Teves. Disyembre 2024, muling inaprubahan ng hukuman sa Timor Leste ang extradition request ng Pilipinas, ngunit muli itong iniapela ng kampo ni Teves.
- Latest
