VP Sara ‘di mag-eendorso ng kandidato: Nabudol na ako
MANILA, Philippines — Ayaw na umano mag-endorso ng kandidato ni Vice President Sara Duterte dahil nabudol na siya noong 2022 elections.
“Akala ko kasi gusto niya ng mas magandang bayan, mas maayos na Pilipinas…kasi ang plataporma namin nung tumakbo kami unity at continuity,” saad niya sa “Pasasalamat kay PRRD with OFWs” event sa Southorn Stadium sa Wan Chai, Hong Kong nitong Linggo, Marso 9.
Pinaalalahanan din niya ang mga botante na huwag tumingin sa kasikatan ng isang tao at tingnan ang totoong karakter ng kandidato sa likod ng camera.
“Kaya sa darating na halalan, pag-isipan na natin ang ating iboboto… sabi ko nga sa inyo, nadala na ako, na-scam na ako, nabudol na ako. Hindi ako mag-endorso ng kandidato kasi baka pagkatapos ng eleksiyon, sasabihin ninyo na naman, na-scam kami Inday Sara dahil sa’yo,” wika ng bise presidente.
- Latest
