‘Kuwago’ (Part 2)
Nakita ko ang nakataling kuwago sa pasamano ng bahay ng pinsan kong si Minda. Si Minda ay kababata ko at kaklase rin kaya malapit kami sa isa’t isa. Hindi na nakapag-kolehiyo si Minda at nag-asawa na.
“Marian, kumusta ka pinsan kong maganda!” sigaw ni Minda nang nasa loob ako ng bahay.
Niyakap ko si Minda. Nakatingin ang dalawang bata sa akin na tiyak kong mga anak ni Minda.
“Kumusta ka Minda? Ngayon lang tayo uli nagkita.’’
“Oo nga Marian. Dalawa na ang anak ko,” at tinuro ang dalawang bata. “Mag-bless kayo kay Tita Marian, dali! Maraming pera yan!’’
Nag-bless ang dalawang bata sa akin.
“May regalo ako sa’yo Minda. Eto nasa supot. Magugustuhan mo ‘yan.!’’
“Salamat Marian. Hindi ka pa rin nagbabago.’’
“Okey lang Minda,’’ sabi ko at kumuha ng pera sa wallet. Dalawag P500. Ibinigay ko sa dalawang bata.
Tuwang-tuwa ang dalawang bata.
“Nasan si Mister mo, Minda?’’
“Nasa kuwarto—may sakit!”
Nag-isip ako.
Naalala ko ang kuwago na nasa bintana.
Masamang mag-alaga ng kuwago. Malas!
Kinausap ko si Minda ukol doon.
(Itutuloy)
- Latest
