Mga make-up artist at photographer, celeb na rin ang category?! Taon ng mga ahas, maraming pinag-iingat

MANILA, Philippines — Bongga rin ang mga ganap noong 2024 sa showbiz industry.

Record-breaking ang Hello, Love, Again nina Alden Richards and Kathryn Bernardo.

Iniukit ni Sofronio Vasquez ang kanyang pangalan sa kasaysayan, nang magwagi bilang kauna-unahang Filipino at Asian champion ng The Voice USA Season 26 kung saan ay nanalo siya $100,000 na premyo at isang recording contract.

Tuloy ang pamamayagpag ni Heart Evangelista sa international fashion scene. Ito ay kahit na pilit siyang iniintriga at kinukumpara kay Pia Wurtzbach na naging isang drama sa social media. Pero hindi natinag si Heart bilang Queen of Fashion.

Nag-umpisa ‘yun nang kunin ni Pia ang glam team ni Heart na diumano’y nagkaroon pa ng ‘nakawan ng contact.’

Naging halos ka-hitsura na rin ni Heart si Pia.

In the end, tuloy ang pagrampa ni Heart at tambak ang mga collab niya sa mga luxury brand na makikita naman sa social media lalo na at mga sold-out ang mga pino-post niya.

Noong 2024 din nag-feeling star na ang mga make-up artist at photographer.

Kung noon nga ang category nila ay make-up artist or photographer, ang nag-level up din sila ng category, ‘star’ na rin.

‘Yun daw ang dating glam team ni Heart na hawak na ni Pia ngayon, grabe na ang star complex. Mga kilos celebrity na rin.

Ganundin ang ibang celebrity photog, star na rin ang category.

Ngayong 2025 kaya sino ang magiging star at feeling star lang?

Hahahaha.

Happy New Year sa avid readers ng Pilipino Star NGAYON at Pang Masa.

Ang sabi, ang Year of the Wood Snake ay magdadala ng magkahalong pagkakataon at hamon para sa bawat Chinese zodiac sign. 

Yup, taon ng mga ahas ang 2025 ayon sa Chinese zodiac sign. Kaya kailangang mag-ingat. Baka matuklaw.

Hahaha.

Pero siyempre, mas importanteng magdasal. Salamat Lord sa 2024. Nawa’y mas marami pang biyaya ang matanggap natin ngayong 2025. Cheers.