James, inaming dumidiretso na si Liza sa mga produ sa US
Ikinagulat ng marami ang pag-alis ni Liza Soberano sa pangangalaga ng Careless Music na pag-aari ni James Reid. Matatandaang taong 2022 nang mapunta ang dalaga sa kampo ni James na siyang CEO at founder ng Careless Music. “We decided to make this statement because there’s a lot of rumors that she’s no longer with Careless. So, we decided to release the statement just to confirm it so there’s no confusion. It’s her decision to leave Careless,” paglilinaw ni James sa ABS-CBN News.
Mayroong ilang dahilan ang aktres kaya nagpasyang umalis na sa pangangalaga ng Careless Music. Para kay James ay mayroong mga oras na hindi tugma ang kanilang mga desisyon. “We have different career paths. She’s more focused on her US career, going to Hollywood, all of that. And we’re more focused on the Philippines, music, local. Actually, Liza’s been very proactive with her career ever since she joined Careless. She has very clear idea where she wants to go with her career and everything. And towards the end, basically, she manages herself. And now that she’s in the US, it makes sense that Careless is no longer in the picture, which I’m okay with,” pagbabahagi ng binata.
Ayon pa kay James ay mismong si Liza na ang kumakausap sa iba’t ibang prodyuser at direktor sa Amerika upang magkaroon ng mga proyekto.
Maayos naman daw ang naging paghihiwalay ng landas ng dalawa kamakailan. “I did helped her a lot with the initial meetings with her co-management in the US, even with the first film. I introduced the director, but everything after that was really her. Our agreement from the beginning was very loose. I didn’t make her famous. She was Liza Soberano already when she came on board, which is why I was so flexible. It’s been great working with her. We wish her all of the best for her plans in the US and her career. Even though she’s no longer managed by us, she’ll come back here to the Philippines especially with Careless team. We’ll always be here for her,” paglalahad ni actor-singer.
Sylvia, three years ago pa pinaghandaan ang regalo sa unang apo!
Sa kauna-unahang pagkakataon ay mararanasan na ni Sylvia Sanchez na maging isang ganap na lola. Malapit nang manganak si Ria Atayde kaya ngayon pa lamang ay sobrang excited na ng beteranang aktres na makita at mahawakan ang apo. “Everyday ko tine-text si Ria. ‘Buntis, lalabas na ba ang little boss ko?’ Sabi niya, ‘Ma, kalma lang, kalma.’ Kasi anytime na eh. Happy siya, ready na actually siya,” nakangiting pahayag ni Sylvia.
Masaya sa pakiramdam ng aktres na nakikitang excited na ring maging mga magulang sina Ria at Zanjoe Marudo. Lalaki ang magiging panganay na anak ng mag-asawa. “Excited ‘yung dalawa. Happy ako ‘pag nakikita ko sila. Sobrang alaga siya ni Zanjoe. Nakikita ko ‘yung pagmamahal ni Z sobra kay Ria. Kaya happy na ako,” dagdag niya.
Mayroon na ring nakahandang regalo si Sylvia para sa kanyang kauna-unahang apo. Tatlong taon na ang nakalilipas nang bilhin ng aktres ang naturang regalo para sa bata. “Meron akong binili na sapatos sa Cannes three years ago. Dalawa, kasi maganda siya. Kung sino ‘yung una kong magiging apo, pagbili ko sabi ko, ‘Ay! Wala pa akong apo.’ Pero no’ng nakita ko, ang ganda, wala sa Pilipinas. Pero sige bibilhin kita. Mapupunta ito sa una kong apo,” kwento ng beteranang aktres. (Reports from JCC)
- Latest
