Mga Kaabag nga Layko sa Pangalagad Alang sa Espirituhanong Kalingkawasan

(Ikaduhang bahin)

(Lay Collaborators in the Ministry of Spiritual Liberation)

4.    Ang mga Lay Volunteers

Gilangkoban kini sa tulo ngadto walo ka mga layko lalaki man o babaye nga gipili ug gitahasan aron mamahimong kabahin sa pundok sa pangalagad alang sa kalingkawasan. Ilang katungdanan kining mosunod:

a.   Pag-andam sa dapit diin pagahimoon ang sesyon sa kalingkawasan o eksorsismo.

b. Pag-andam sa mga gamitonon alang sa maong sesyon nga naglangkob sa mga sakramentales[4] ingon mga basahon[5] nga gamitonon.

Ilang pagahuptan kining mosunod:

a.   Dunay halawom nga kinabuhi sa pagtuo.

b. Pagkamaampoon.

c.  Masinugtanon sa pagtulon-an sa Simbahan.

d.  Mapaubsanon.

e.  )Abli sa kahigayonan nga magkat-on.

f. Dunay pagmahal sa Sagrada Eyukaristiya ingon man sa pagkumpisal.

g. Nagpuyo sa tarong nga pagkinabuhi ingon man adunay emosyonal nga kahamtong.

N.B. Kaakuhan sa matag case officer ug bisan gani sa tibuok deliverance team nga tagdon ug atimanon ang matag kaso uban ang professional secrecy.[6] Dili lang kay professional secrecy kondili absolute secrecy alang sa tanan nga nalambigit sa pangalagad alang sa Espirituhanong Kalingkawasan kun Ministry of Spiritual Liberation.  Ang mga hingtungdan sama sa Case Officers ang manumpa ginamit kining mosunod:

Kining maong proma sample lamang

PANAAD[7]

Ako si (ngalan sa pari/pasyente/volunteer) ang nahibalo dako uyamot nga ang tanang personal nga kasayuran ngalan ug personal nga datos ang panalipdan sa ACODE kun Archdiocese of Cebu Office of Deliverance and Exorcism ug sa Simbahang Lokal sa Artsidyosesis sa Sugbo. Kini pinasikad sa Republic Act 10173: Data Privacy Act of 2012 ug nahimong balaod niadtong Agosto 15, 2012. Nga tungod niini walay bisan unsang kasayuran dinhi ang mahimong mapakaylap ni bisan kinsa ug sa bisan unsang paagi.

Kining maong PANAAD akong gitiman-an sa akong pirma karong adlawa petsa 7 sa Enero tuig sa Ginoo 2024. Dinhi sa Basilica Minore del Santo Nino Siyudad sa Sugbo.

Juan dela Cruz   Fr. Domingo de Guzman Mary Joaquin

Pasyente  Eksorsista Case Officer

Tanggol Dimaguiba  Atty.  Facundo Caballero

Deliverance Minister Abogado

Mga Saksi

Lena Cabral

David Nareno

[1] Atong gikuhaan og base niini ang libro: Fr. Nonette Legaspi, STL. A Popular Catholic Manual on Liberation and Exorcism Vol. 1 (Makati: St. Pauls Publications, 2019), pp. 185-202.

[2] Exposition of the Blessed Sacrament

[3] Reposition sanglit gisugyot nga ang matag sesyon pagahimoon atubangan gyud sa Santisimo Sakramento sa Altar. Unta gidili gyud unta pagahimoon ang paghipos niini apan gumikan sa mga sirkumstansiya pagahimoon kini kun maseguro nga pagahimoon kini nga dunay pagtahud sa pribasiya sa mga hingtungdan.

[4] Sama sa exorcized water, exorcized oil, exorcized salt, krusipiho etc.

[5] Catholic handbook of deliverance prayers etc.

[6] Sama sa silyo sa kumpisal kinahanglan nga ang tanang nakita, ug nahitabo sa pasyente ang dili maabot sa kasayuran sa kadaghanan. Hugtanong gibaoran ang deliverance team sa pagpagawas sa mga impormasyon kalabot sa pasyente.

[7] Mas maayo kun kini pa notaryohan mismo sa Abogado. Kabahin kini sa porma nga ibutang sa file sa pasyente.