Garcia: Pagpahigayon sa Pasigarbo sa Sugbo sa CCSC nahan-ay na

CEBU, Philippines — Si Acting Cebu City Mayor Raymond Alvin Garcia nagkanayon nga wala siya’y nakita nga rason nga dili ipagamit ang Cebu City Sports Center sa Probinsiya sa Sugbo alang sa pagpahigayon sa Pasigarbo sa Sugbo 2024.

Matud ni Garcia nga nakahan-ay na ang kalihokan sa Pasigarbo sa Sugbo ug nagpadala siya og representante sa gipatawag nga tigom sa gobernador tungod kay aduna  siya’y kalihokan niadtong higayona apan andam na ang tanan. Gipadayag ni Garcia nga ang CCSC usa ka pampublikong dapit ug kong adunay mogamit niini ilaha kining ipagamit.

Ug angayan nga ipakita nga adunay panaghiusa ug usa ka dakong garbo sa siyudad  nga tanang opisyales sa kalungsuran maghugop diha sa CCSC alang sa Pasigarbo sa Sugbo.

Matud usab ni Garcia nga wala siya kasabot ug wala makakuha sa rason nganong dili pabor niini si suspended Mayor Michael Rama.

Si Garcia nagkanayon nga ang pagpahigayon sa Pasigarbo sa Sugbo diha sa CCSC nagpakita kini og kahiusahan isip One Cebu Island Province.

Ug sa iyang pagdumala sa siyudad ipatigbabaw niya ang diplomacy. — BDB  BANAT NEWS