19th Congress pormal na magbubukas sa Hulyo 25

MANILA, Philippines — Pormal na magbubukas ang 19th Congress sa Lunes, Hulyo 25, 2022 kung saan ang Senado ay pinangungunahan ni acting Senate President Juan Miguel “Migz” F. Zubiri.

Alas-10 ng umaga inaasahang magsisimula ang First Regular Session at magkakaroon ng halalan ng mga opisyal sa Senate Plenary Hall.

Kabilang sa mga ihahalal ang Senate President, Senate President Pro-Tempore, Majority Leader, Secretary at Sergeant-at-Arms.

Ang natalong kandidato para sa Senate President ay tradisyonal na inihalal bilang Minority Leader.

Malamang din na si Zubiri ang mamumuno sa Upper Chamber bilang ika-24 na Senate President nito.

Sasalubungin din ng Senado ang 12 sa mga bagong halal na senador nito – tatlong unang beses na senador, apat na muling halal na mambabatas at limang dating mambabatas.

Ang mga bagong senador ay sina Sens. Robin Padilla, Raffy Tulfo, at Mark Villar. Kabilang sa limang nagbabalik na Senador sina Alan Peter Cayetano, Chiz Escudero, JV Ejercito, Jinggoy Estrada, at Loren Legarda.

Magpapatuloy naman sa kanilang ikalawang sunod na termino ang apat na senador na nanalo sa kanilang reelection bids na sina Sherwin Gatchalian, Risa Hontiveros, Joel Villanueva, at Zubiri.

Pagkatapos ng morning session, magtutungo ang mga Senador sa House of Representatives para sa joint session ng Kongreso at para saksihan ang unang State of the Nation Address (SONA) ni Pangulong Ferdinand “Bongbong” Marcos Jr.