Love Story

Dear Banat News,

Hello sa tanang  Banat News readers. Ako diay si Ara, 27 years old ko ug nagtrabaho sa usa ka coffee shop.

Nakabasa nako og story sa una dinhi sa LOVE STORY,  nga sama pud sa dagan sa akong lovelife, maong naingganyo na lang pud ko nga magpadala sa akong story.

Akong uyab ginganlan og Akim, ako siyang supervisor  sa akong trabahoan. Pero amo gyud nga gipaniguro ang separasyon sa among trabaho ug sa personal namo nga relasyon.

Nagkaila mi ni Akim sa dihang nakasulod ko sa coffee shop nga among gitrabahoan. Siya man ang nidawat sa akong resume. 

Siya pud ang nitawag nako para sa schedule sa akong interview. Sa tinuod lang makaingon gyud ko nga cute siya sa una namong panagkita pero wala kaayo ko mohatag og gibug-aton kay ang naa sa akong hunahuna kun madawat ba ko sa trabaho o dili.

Nadawat gyud ko sa maong coffee shop busa permi na me magkita ni Akim, pero mauwaw gyud ko niya kay mura’g estriktohon man gud siya og dating.

Pag-abot og pila ka buwan sa akong trabaho, nanabi akong workmates nga naa daw nausab sa batasan ni sir Akim.   Kusog na daw kaayo managad sa iyang workers ug dili na daw estrikto. Wala ko mag-expect nga duna ko’y sipat nga kauban ang sekreto nga nihunghung nako nga inspired daw si Akim tungod nako.

Ni-aksyon ko og kakulba ug wala ko nahimutang sa gisulti sa akong workmate. Dili pud ko ganahan nga mag-assume busa wala ra ko manumbaling sa gisulti sa akong kauban.

Nisamot pa gyud ang akong kakulba sa dihang nadunggan nako ang tsika nga nagbuwag na sila si Akim ug sa iyang uyab nga nag-work sa usa ka accounting firm.

Didto nagsugod nga nagpa-cute si Akim nako ihatud nako niya padulong uli ug niangkon siya nga hagbay ra siya ganahan nako apan dili siya kadiskarte kay naa pa siya’y uyab niadtong higayona.

Naghuwat ra kuno siya og timing nga maglinabad ang iyang uyab nga selosa ug gibuwagan niya kini gumikan kay wala na siya kaantos sa batasan niini.Nanguyab si Sir Akim nako, pero wala dayon nako sugta kay basin masaypan ba nga ako ang rason sa break-up nila sa iyang ex-GF.

Human sa tulo ka buwan niya nga pagdiskarte nako ako dayon siya nga gisugot  kay na-develop ra man pud ko niya.

One year kapin na ang among relasyon karon ug happy kaayo mi bisan pa man nga dunay mga tsismis nga ako gyud daw ang rason sa panagbuwag nila ni Akim ug sa iyang ex-GF.

Wala nako magpaapekto sa maong istorya ug ang importante nga kahibalo ko sa tinuod ug malinawon ang among relasyon karon. Mo-request lang ko sa song nga Won’t Go Home Without You  by Maroon 5.

Hi Ara! Thank you so much sa imong LOVE STORY! Paabuta ugma puhon ang imong request

* * *

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News