Apat na Animal Signs

…ng Babaeng Magdudulot ng Good Luck sa Kanilang Mister

Of course lahat ng mabubuting babae ay “masu­werte” sa kanilang asawa. Ngunit base sa animal sign, may apat na natatanging babae na nagdudulot ng kaligayahan at magandang kapalaran sa kanilang mister:

First Ranking: Pig—Ang babaeng Pig ay open minded at mapagpatawad. Kapag umasenso ang kanilang mister, sila ang magpapaalala sa tuwina na manatiling nakatapak ang paa sa lupa. May mga misis kasi na nagiging mapagmataas kapag umasenso ang buhay kahit mister naman nila ang nagtatrabaho. Mabilis din silang makasundo ng mga biyenan.

Second Ranking: Monkey—Kalmado at buo ang loob ng babaeng Monkey kahit sa oras ng patung-patong na problema. Kaya sa oras na nagkaproblema sa trabaho ang kanyang mister, malaking tulong ang kanyang matalinong payo.

Third Ranking: Ox—Tahimik ang mga babaeng Ox pero siya ay masipag at mapagpasensiya sa kakulangan ng kanyang mister. Siya ang babaeng wala sa bokadura ang salitang reklamo.

Fourth Ranking: Horse—Masayahin at palakaibigan ang babaeng Horse na malaking tulong sa career ng kanyang mister. Kadalasan ay successful din siya sa sariling career. Magaling siyang magpalakad ng kanyang pamilya.