Patas lang

CEBU, Philippines - Nihatag og katin-awan si   Arci Muñoz  kalabot sa taho nga siya ang adunay labing dako  og  talent fee sa pelikula nga Extra Service kung diin kauban niya sila si Jessy Mendiola ug Coleen Garcia. Matud pa niya nga dili kinahanglan hatagan og malisya kun kinsa ang ngalan nga mahatagan og dakong indikasyon tungod kay patas lang sila nga migahin sa ilang parte alang sa maong pelikula. “We all gave our best here in the movie. Pantay-pantay kami”, suma pa ni Arci.

Exclusively dating

Giangkon sa Kapuso aktor nga si Benjamin Alves nga exclusively dating na silang duha sa singer nga si  Julie Ann San Jose. Tsika pa niya nga nagkasuod sila ni Julie Ann sa dihang dungan silang mitambong og mga workshop kaniadto.  Motikang ang duha karong adlawa dinhi sa Sugbo aron makighimamat sa ilang fans ug mag-promote sa serye nila nga Pinulot Ka Lang sa Lupa.

Miabot na

Gisugat ni Ogie Alcasid ang iyang 19-anyos nga anak nga si Leila didto sa Ninoy Aquino International Airport kagahapon. Kuyog nga misugat si Baby Nate kinsa anak usab ni Ogie ug Regine Velasquez . Anak si Leila nila ni Ogie ug Michelle Van Eimeren.

Lahi sa personal

Tsika pa ni Kapamilya aktor nga si Vin Abrenica nga naghinam-hinam na siya nga makauban sa pelikulang Moonlight Over Baler ang sexy-actress nga si Ellen Adarna. Matud pa niya nga nausab ang iyang pagtan-aw sa aktres sa dihang nahimamat niya kini sa personal.  ”Iba siya sa personal kasi ang background ko sa kanya is ang dami nga poser niya and puro nude pictures yung nakita ko, so all along I thought she’s that type of person. Pero nung na-meet ko siya I found that she’s more interesting, she’s light, she’s funny. Ang layo-layo  dun sa pagkakaalam ko sa kanya”, suma pa ni Vin.

Bag-ong putahe

Gibutyag ni Direk Dan Villegas nga naglisod siya sa pagama sa horror film nga “Ilawod” gumikan kay lahi kini kun itandi sa iyang nahimong romcom films sama sa English Only Please, Always Be My Maybe ug How To Be Yours. Matud pa niya nga  bisan og wala siya maanad sa maong genre apan malipayon siya nga mosuway og bag-o tungod kay daghan kini og pagtulun-an nga nahatag kaniya.

Nagbaha ang  followers

Malipayon ang 13- anyos nga aktres nga si Andrea Brillantes gumikan kay miabot na sa 1.8 million ang iyang followers sa Instagram. Matud pa niya nga dako ang nahimong parte sa social media ngadto sa usa ka celebrity gumikan mao kini ang paagi aron mas mailhan sila sa ilang fans.

Nitubag na gyud

Gitubag na ni Jed Madela pinaagi sa iyang social media account ang isyu kalabot  sa paghulip ni Ogie Alcasid kaniya isip hurado sa Your Face Sounds Familiar Kids Edition. “ Again, to those asking why I’m not with YFSF, because it’s KIDS Edition, Endemol rules states that jury should be parents”, suma pa ni Jed.

Bag-ong panagway

Naputos sa mga pagdayeg  ang  bag-ong panagway sa Umagang Kay Ganda host nga si Gretchen Ho. Pipila usab ang miingon nga sama na og usa ka  K-Pop star si Gretchen.

Miarang-arang na

Malipayong gipahibalo ni Angelu de Leon sa iyang Instagram account nga paspas ang pag-ayo sa iyang  sakit nga Bell’s Palsy. Kahinumduman nga tulo ka buwan na ang nakalabay human siya nalandig sa tambalanan tungod niining maong sakit nga mikalit lang og ataki kaniya.

Nominado

Nominado isip Best Actress si Charo Santos sa 11th Asian Film Awards gumikan sa iyang maayong performance sa pelikulang  Ang Babaeng Humayo nga ubos sa direksyon ni Laz Diaz. Kahinumduman nga nalangkat sa maong pelikula ang Golden Lion prize sa miaging  Venice Film Festival niadtong Septiyembre 2016. (BANAT NEWS)