Sumira sa sumpaan

Dear Dr. Love,

Nang buhay pa ang mister ko, lagi niya akong binibiro na kung mag-aasawa akong muli ‘pag namatay siya ay mumultuhin niya ako.

Kahit alam kong biro, sumumpa ako na ‘di na ako mag-aasawa kung mawawala siya.

Namatay siya two years ago at nag-asawa ako uli matapos magbabang-luksa.

Limang buwan na akong kasal sa pa-ngalawa kong mister at hindi ko na naalala ang sinira kong pangako.

Hanggang minsang nagtatalik kami ng bago kong asawa, nakaramdam ako na may humila sa aking binti.

Napasigaw ako at naudlot ang aming pagniniig.

Tatlong ulit nang nangyayari ‘yon at hindi ko naman puwedeng tanggihan ang obligasyon ko bilang asawa.

Ano gagawin ko?

Melba

Dear Melba,

Sa mata ng tao at ng Diyos, wala kang pagkakasala kung mag-asawa kang muli dahil biyuda ka na.

Kung may nanliligalig sa iyo, pihong hindi ito ang kaluluwa ng asawa mong namatay kundi isang mapanlinlang na espiritu.

Sa ngalan ng Panginoong Jesus, magkasama kayong manalangin ng iyong mister para maitaboy ang masamang espi-ritu na bumabagabag sa inyo.

Dr. Love