Malungkot ang mag-isa

Dear Dr. Love,

Tawagin mo na lang akong Mando, isang senior­ citizen sa gulang na 65 anyos.

Mag-iisang taon nang namamayapa ang aking­ asawa. Namatay siya sa gulang na 62. Lahat ng mga anak namin ay nasa abroad na at nag-iisa na lang ako sa buhay ngayon at umaasa sa sustento ng aking mga anak. Lima silang lahat at may nagpapadala sa akin ng $200 at ang iba’y $500 para sa aking pang-gastos.

Nag-iisa ako sa bahay at kay lungkot ng buhay ko. May girlfriend ako na 48 years old at gusto ko siyang pakasalan. Ang kaso, tumu­tutol ang aking mga anak. Puputulan daw ako ng sustento kapag nag-asawa ako uli.

Ibigin ko man na magtrabaho ay matanda na ako para tanggapin ng alinmang kom­panya. May kaunti akong naiipon pero hanggang ka­ilan magtatagal ito?

Ano kaya ang dapat kong gawin para kum­binsihin ang aking mga anak?

Mando

Dear Mando,

Walang karapatang magdikta sa iyo ang iyong mga anak lalo pa’t ang gagawin mo’y hindi naman ilegal o labag sa utos ng Diyos.

Sabi mo may ipon ka sa bangko. Puwes, ga­­mitin mo iyan para makapagpatayo ng kahit maliit na grocery sa iyong tapat-bahay.

Bata pa rin ang mapapangasawa mo at si­guro­ puwede kayong magtulungan.

Kung nalulungkot kang mag-isa, may kara­patan kang humanap ng ikaliligaya.

Dr. Love