Dear Dr. Love
Tawagin mo na lang akong Alex, 35 years old, ang problema ko po sa edad ‘kong ito wala pa rin akong asawa, nagkaroon na ako ng dalawang girlfriend. Ang unang girlfriend ko, tumagal kami ng mahigit limang taon pero nagkahiwalay din kami at ang pangalawa’y tumagal din ng 4 na taon, pero nasayang lang ang lahat sa mga hindi inaasahang mga bagay. Siguro nga ay hindi kami para sa isa’t isa.
Sana po ay matulungan po ninyo ako na makahanap ng babaeng seseryohin at sana ay makatuluyan ko na rin sa habambuhay, hindi naman ako pihikang lalaki, basta mabait mapagmahal at tapat.
Maraming salamat po. God bless you, Dr. Love.
Alex
09192225421
Dear Alex,
Para sa isang lalaki, hindi pa matatawag na matanda ang edad na 35. Isa pa, hindi inaapura ang pag-aasawa. Lalaki man o babae, ang marriage ay isang kabanata sa buhay na dapat pag-isipang mabuti bago pasukin. Kasi, future ng tao ang nakataya riyan kasama na ang future ng mga isisilang na supling.
Ilalathala ko ang iyong contact number at sana nga ay makahanap ka ng angkop na lifetime partner na mamahalin mo at magmamahal sa iyo.
God Bless.
Dr. Love