Pagpaparaya sa minamahal

Dear Dr. Love,

Isa po akong bilanggo, Nakulong ako nang makapatay dahil sa pagtatanggol ko sa aking girlfriend. Pero wala akong pinagsisisihan dahil tinumbasan naman ito ni Chato.

Lagi niya akong binibisita na nagresulta sa pagbubuntis niya. Nang manganak siya sa du­malang ang aming pagkikita hanggang tuluyang naputol ang aming komunikasyon.

Nabigyang-linaw lamang ang lahat nang ihatid ng aking kapatid sa kulungan ang liham ni Chato. Tinapos na niya ang aming relasyon at sumama sa isang dayuhan tangay ang aming­ anak.

Hindi ko mapigil ang maiyak sa mala­king pag­daramdam. Pero ano nga ba ang aking magagawa? Mahal ko pa si Chato sa kabila ng lahat. Sana maging maligaya sila.  Balang araw, kung loloobin ng tadhana, nais kong ma­kita at makilala ang anak namin.

Sana’y huwag kayong magsasawa sa mga taong­ nagdudulog sa inyo ng problema, Dr. Love.

Gumagalang,

Delfin Gonzaga

Camp Sampaguita

Muntinlupa City 1776

Dear Delfin,

Salamat sa liham mo. Mabuti naman kahit sa kabila ng kapaitang sinapit mo dahil sa naging desisyon ng asawa mo ay natanggap mo ang lahat. Malilimot mo rin ang sakit at makakatagpo ng tapat na magmamahal sa iyo. Magpakabuti ka riyan at ibaon sa isip ang leksiyon ng kara­nasan mo na ito sa pag-ibig. God bless you.

Dr. Love