Maagang nag-asawa
Dear Dr. Love,
Isang magandang araw po sa iyo at sa iyong pamilya lalo na sa buong staff ng NGAYON. Tawagin na lamang po ninyo akong Libra Boy, 33 years old.
Edad 18 po ako nang mag-asawa at 19 naman ang aking napangasawa. Tutol po ang ina ng aking asawa sa aming relasyon kaya gumagawa siya ng paraan para magkakahiwakay kami.
Akala ko hindi matitinag ang aming relasyon, pero nagkamali ako dahil iniwan ako ng aking asawa at sinabing hindi naman daw niya ako talagang mahal. Masakit pero kahit na kasal kami, pinalaya ko siya.
Ngayon nabalitaan kong may 5 anak na siya sa kanyang kinakasama habang ako ay nag-iisa pa rin. Dr. Love, nais ko pong makilala si Che, na lumiham sa inyo noong Agosto 25, 2010. Narito po aking e-mail address jorge pahilanga [email protected].
Maraming salamat po sa iyo Dr. Love.
Libra Boy
Dear Libra Boy,
Marami talagang kaso ng early marriage ang nawawasak sa dakong huli. Kaya hindi advisable para kanino man na mag-asawa ng napakaaga. Dahil ito’y nagiging padalus-dalos na desisyon.
Pero nangyari na iyan at dapat kang mag-move on dahil hindi dapat tumigil ang inog ng daigdig para sa iyo. Sana’y makatagpo ka ng babaeng mamahalin at magmamahal din sa iyo.
Dr. Love
(Para sa mga nagnanais na lumiham kay Dr. Love, ipadala ito sa DR. LOVE c/o NGAYON Libangan Section 202 Roberto S. Oca corner Railroad Sts. Port Area, Manila. Maaari rin mag-email sa LibNGAYON@ philstar.net.ph.)
- Latest
- Trending
