Dear Dr. Love,
Isa pong magandang araw sa inyo at sa lahat ng mga mambabasa ng pitak na ito.
Medyo maselan po ang problema ko at sana po ay matulungan ninyo ako.
Itago n’yo na lang po ako sa pangalang Nikka. Bata pa lang po ako n’ung minsang nakapanood ako ng porno. Simula po noon ay hindi na nawala sa isip ko ang napanood ko.
Natutunan ko na rin pong magparaos sa sarili ko. Onse ayos lang po ako noon. At ngayon na 19 na ko hindi pa rin po ako nagbabago. Pero kung meron man po akong maipagmamalaki, ayun ay wala pang lalaki na nakakagalaw sa akin.
Ano po ba ang dapat kong gawin? Matatawag pa po ba akong virgin?
Nikka
Dear Nikka,
Alam mo, kapag in-expose natin ang ating sarili sa mga okasyon para magkasala ay nagiging alipin tayo ng masamang espiritu ng kasalanang yaon. Sa tanong mo kung virgin ka pa, ang sagot ko’y oo dahil wala pang umaangkin sa iyong lalaki. Pero kung magpapatuloy ka sa ganyang ginagawa mo, baka mawala ang iyong pagkadalaga nang wala sa oras.
Hindi mo nasabi sa akin ang iyong religious background. Pero kung ikaw ay isang bible-believing Christian, mangangailangan ka ng tulong ng mga kapwa mo Kristiyanong mananalangin upang ma-cast out ang evil spirit na maaaring umaalipin sa iyo ngayon.
Maki-join ka sa mga tunay na Kristiyano sa pag-aaral ng salita ng Diyos para malaman mo kung paano nag-ooperate ang devil para ibulid ang tao sa kasalanan. Humanap ka ng isang mature Christian (if possible babae rin) na malalim ang pananampalataya sa Diyos upang magkaroon ka ng full deliverance.
Iwasan mo na rin ang panonood ng mga pornographic stuff gaya ng mga pelikula at babasahin at gawin mong abala ang sarili mo sa mga wholesome activities. Kasama akong mananalangin para sa iyo.
Bilang pangwakas, basahin mo sa iyong pag-iisa ang panalanging ito at angkinin mong sa’yo:
Panginoong Jesu Cristo, hindi ko kayang baguhin ang sarili ko kaya nais kong isuko ito sa iyo upang hugasan ng iyong banal na dugo. Namatay ka sa krus at muling nabuhay para sa aking kaligtasan. Sa iyong Pangalan, itinatakwil ko ang lahat ng masamang espiritu na nagtutulak sa akin upang lapastanganin ko ang aking sarili. Gabayan mo ako palagi at tanuran laban sa lahat ng masamang espiritung pakawala ni Satanas. Ito ang aking dalangin sa iyong banal na pangalan o Jesus, Amen!
Dr. Love
(Para sa mga nagnanais na lumiham kay Dr. Love, ipadala ito sa DR. LOVE c/o PSN Libangan 202 Roberto S. Oca corner Railroad Sts. Port Area, Manila. Maaari rin mag-email sa psnlibangan@philstar.net.ph.)