Kissing cousin

Dear Dr. Love,

Kumusta po kayo Dr. Love. Abutan nawa kayo ng aking sulat na nasa mabuting kalusugan. Favorite­ column ko ang Dr. Love.

Kung puwede ay ikubli mo na lang ako sa isang alias. Tawagin mo na lang akong Meeny, 19 anyos.

Ang problema ko po ay ang relasyon ko sa aking first cousin. Anak siya sa second wife ng aking Uncle na kapatid ng aking mommy.

Balikbayan siya from USA at nagkita kami nang umuwi siya sa Pinas noong November last year.

Nagmamahalan kami at hindi alam ng mga parents­ namin ang aming relasyon. Dapat ba itong magpatuloy?

Meeny

Dear Meeny,

May blood relations kayo ng iyong tiyo kaya kadugo mo pa rin ang kanyang anak sa pangalawang asawa.

Hindi ko maipapayong ipagpatuloy ninyo ang ganyang relasyon dahil maraming kaso na ang nagkakapangasawahang magkadugo ay nagka­karoon ng abnormal na anak.

Kaya makabubuting ibaling ninyo na lang ang pag-ibig sa ibang hindi ninyo kaanak. Kalimutan ang sariling kapakanan at alalahanin ang magiging supling na siyang malamang magdusa.

Dr. Love

Sa mga Overseas Filipino Workers na may problema at nangangailangan ng counseling, umugnay sa http://www.ofwonline.ateneo.edu. Ito ay bukas seven days a week. This website project specifically targets OFWs and their families in different parts of the world.