Nasaan ka, utol?

Dear Dr. Love,

A pleasant day to you and PSN staff.

Just call me Susan Corpuz ng Banog Norte, Bani, Pangasinan. I am 28 years old. Nais ko lang pong malaman kung may pag-asa pa kaming magkita ng kapatid ko. Kasi po nagpaalam lang po siya na ihahatid ang girlfriend niya sa dormitoryo.

Pero hindi na po siya umuwi. Nag-aalala na ang parents ko kung ano na ang nangyari sa kanya. Umalis siya noong November 4, 2000.

Dr. Love, sana po ay mabasa niya ang liham ko.

God bless you.

Lubos na gumagalang,
Susan Corpuz


Dear Susan,

Mas makabubuti marahil kung magpapadala ka sa amin ng larawan ng kapatid mo pati na ang buo niyang pangalan at kung kailan siya nawala.

Ilalathala natin iyan upang mas madali siyang matunton saan man siya naroroon.

Meanwhile, dumalangin na lang tayo na walang masamang nangyari sa kanya.

Posibleng nagtanan sila ng kanyang kasintahan. Pero kung magkagayon, dapat sana’y nakipag-ugnayan na siya sa inyo.

Makabubuti rin kung ini-report n’yo sa pulisya ang pagkawala ng iyong kapatid.

Dr. Love