Heart Salvador , recording artist na!

Hingpit na nga usa ka  recording artist ang “The Voice Teens Philippines” season 2 grand champion nga si Heart Salvador human gilusad ang iyang  self-titled mini album nga ubos sa StarPop.

Ang extended play (EP) naghisgot sa  nagkalain-laing mga sitwasyon sa gugma, pangandoy, ug pagbag-o sa kaugalingon.  Pipila sa mga unod niini kay naglangkob sa  “Addicted,” “Ain’t Fair,” “Sensya Na,” “Endless Vow,” ug “Babalik Pa Ba?” nga gisulat mismo   ni Heart ug giprodyus sa StarPop label head nga si Roque “Rox” Santos.

Ang nagtangag nga mensahe sa   "Sensya Na" kay  ang pagtapos sa usa ka relasyon ug paghinumdom sa malipayon ug mapait nga mga handumanan niini.

Nabantog si Heart sa dihang nisalmot siya sa “The Voice Kids PH” season 3 diin nahimo siyang semi-finalist. Mibalik siya sa entablado alang sa ikaduhang season sa "The Voice Teens PH" ug nakuha ang titulo isip grand champion pinaagi sa abag  sa  iyang mentor nga si  Bamboo.