Curfew ipatuman sa Bogo
CEBU, Philippines – Sugod Mayo 2 ipatuman sa Dakbayan sa Bogo ang curfew alang sa mga menor de edad o kadtong 17-anyos paubos subay sa City Ordinance No. 004-2018. Sa Facebook page sa City Government of Bogo, gipahibawo nga magsugod ang curfew alas 10 sa gabii hangtud alas 4 sa buntag.
"Individuals ages 17 years and 364 days old and younger shall not be allowed to wander, loiter, idle, stroll, saunter, play and stay in the streets, alleys, highways, parks, playgrounds, public places, buildings, business establishments, vacant lots, and corners within the territorial limits of the City of Bogo during curfew hours," matud sa Facebook post niadtong Abril 17, 2018.
Ang pagpatuman sa balaud gitumong sa kaluwasan sa kabatan-onan sa maong dakbayan ug pagtubag sa problema nga naobserbaran sa lugar diin adunay krimen nga nalambigit ang mga menor de edad.
Hinoon adunay "exceptions" nga gihatag alang sa mga batan-on diin mamahimong makagawas sila sa ilang panimalay atol sa curfew hours.
Kinahanglan nga kuyog ang ginikanan o guardian niini, adunay opisyal nga kalihukan sa eskwelahan diin kinahanglan makapakita og certification gikan sa tunghaan ug adunay kalihukan sa simbahan o sa relihiyon diin kinahanglan usab adunay sertipikasyon. (/GMR)(BANAT NEWS)
- Latest
