Mga kapitan motapon sa BOPK
CEBU, Philippines – Subay sa nagkaduol nga Barangay ug Sangguniang Kabataan (SK) Election, nagkanayon si Cebu City Mayor Tomas Osmeña nga daghan na ang nipadayag nga mga kapitan nga gustong motapon sa Bando-Osmeña Pundok Kauswagan (BOPK).
Apan gihimug-atan sa mayor nga dili mahimong i-abandonar ang kaugalingon niyang mga tawo.
Hinoon unya pa isulti ni Osmeña kung kinsa ang maong mga kapitan human na sa eleksiyon.
Nidugang ang mayor nga posible human unya sa eleksyon iyang ikonsiderar kadtong mga nipadayag nga mobalhin sa iyang grupo.
“I will consider. So like for example if I need three more votes to get the ABC ako ng dawaton but after that no more, the door is close, simple. Reminder to everyone no matter what I’m still the mayor”, asoy ni Osmeña.
Samtang si Association of Barangay Councils (ABC) president ug Tisa Barangay Kapitan Phillip Zafra niingon nga basin og ang mga opisyal nga kaalyado sa BOPK ang mobalhin sa Barug Partido Demokratiko Pilipino-Lakas ng Bayan (PDP-Laban).
Dugang ni Zafra nga wala siya’y nadunggan bisan usa nga mobalhin og grupo sa mayor dungan sa pag-ingon nga wala siya’y nakitang rason aron mobalhin ang mga kaalyado nila ilabi na sa ilang nahiaguman sa administrasyon karon.
“Di man seguro, dili kabalak-an kay I have high regards on them, I have faith on them, nya they will stick it out with the group, they will stick it out with the people they are serving,” matud ni Zafra. (/GMR)(BANAT NEWS)
- Latest
