Serbisyo sa mapili maoy giampo ni Palma
CEBU, Philippines – Malaumon si Cebu Archbishop Jose Palma nga serbisyo sa katawhan maoy huna-hunaon sa mga mapili nga opisyal sa barangay sa umaabot nga eleksiyon.
Matud ni Palma nga maoy iyang pag-ampo nga responsibilidad sa mga opisyal nga mapili nga magplano ug maghuna-huna aron magbuhat og kaayohan alang sa barangay ug sa katawhan tungod kay ang barangay maoy pinakagamay nga unit sa gobiyerno.
Hangyo sa Arsobispo sa mapili ug angayang molingkod sa pangagamhanan nga ang pagpili kanila dili sa posisyon, garbo ug dungog lang apan higayon kini alang sa pagserbisyo sa katawhan
“Let it be an opportunity for service,” matud ni Palma.
Samtang awhag sa Arsobispo ngadto sa katawhan nga dili magpadala sa kwarta atol sa pagboto ug pilion ang angayan ug haum nga opisyal nga moserbisyo sa katawhan.
Malaumon si Palma sa usa ka mabungahon ug malinawon nga umaabot Barangay ug Sangguniang Kabataan elections. (/GMR)(BANAT NEWS)
- Latest
