Watch list ng DOJ unconstitutional – SC

MANILA, Philippines — Hindi naaayon sa Saligang Batas ang pagpapalabas ng watch list order ng Department of Justice, ayon sa Korte Suprema ngayong Martes.

Naging unanimous ang botohan ng mataas na hukuman laban sa kautusan na nilalabag ang karapatang makapagbiyahe ng isang tao.

Sinabi ng Korte Suprema na hindi maaaring harangin ng DOJ ang paglabas sa bansa ng sinuman nang walang utos mula sa korte.

Nagsimula itong ipatupad sa ilalim ng pamumuno ni dating Justice Secretary at ngayo’y Sen. Leila de Lima noong 2010.

Naipatupad naman ang immigration look out bulletin (ILOB) orders sa pamumuno ni dating Secretary Vitaliano Aguirre II kung saan inaatasan ang immigration officers na iulat sa DOJ ang paglabas sa bansa ng mga taong nasa watch list.

Kapag naharang ang taong nasa ILOB ay kinakailangan munang makakuha ng clearance siya DOJ bago makaalis.

Dinesisyunan ito ng Korte Suprema sa apela ni Pampanga Rep. Gloria-Macapagal Arroyo at dating first gentleman Mike Arroyo noong 2011.

Sinabi ng mga Arroyo na nalabag ang kanilang karapatan nang harangin sila palabas ng bansa.