Ballesteros di pugngan kon mo-resign sa SFI
CEBU, Philippines — Dili pugngan ni Cebu City Mayor Tomas Osmeña si Sinulog Foundation Inc. Executive Director Ricky Ballesteros kinsa nagplano nga mo-resign sa iyang katungdanan.
Apan ang mayor miingon nga pahumanon lang una ang auditing nga gihimo sa expenses sa Sinulog Festival 2018 una hingpit nga mo-resign si Ballesteros.
Dihang gipangutana ang mayor kon duna na ba kini nahuna-hunaan nga mohulip kang Ballesteros sigon sa mayor: “That has to be a collective decision, the Sinulog committee did a good job. I cannot just go above their heads, they all did a good job so whether its Engineer Dakay or Dave Tumulak and all the other people there, the ground troops who work it out CITOM all of them I cannot just cannot appoint the King nindot gyud ang teamwork so kinahanglan gyud magpili ta og tawo nga acceptable sa tanan para naay sustainability naay continuity.”
Si Ballesteros sa iyang bahin miingon nga naestorya niya si Osmeña labot niini. Matud niya wala na siya nagkabata ug kinahanglan nga dunay laing tawo nga mopadayon sa Sinulog.
Gani matud pa bisan panahon pa kaniadto ni kanhi mayor Michael Rama ganahan na siya mo-resign apan siya gipabilin aron pag-train sa mga tawo.
Si Ballesteros 15 ka tuig na nga nagserbisyo sa Sinulog Foundation Inc. diin nagsugod kini sa maong buhaton nidtong 2002.
Matud niya, ini og kahuman sa audit iduso na niya iyang resignation letter sa SFI Board of Directors.
Giklaro sab niini nga ang iyang pag-resign dili konektado sa pamahayag ni Osmeña labot sa giingong kurapsiyon sa SFI sa miaging mga katuigan. (BANAT NEWS)
- Latest
