TNT mosakripisyo alang sa Gilas

CEBU, Philippines — Andam si  TNT KaTropa head coach Nash Racela sa pagpahuwam sa upat niya ka players ngadto sa Gilas Pilipinas nga moduwa sa 2019 FIBA World Cup qualifiers sunod buwan.

Kini bisan og  mapiangan pa sila sa ilang umaabot nga kampanya sa PBA Commissioner’s Cup.

Naapil sa line-up  mao ang karaang Gilas players nga sila si Jayson Castro, Troy Rosario ug RR Pogoy ug  posible  pa nga huwaman sa nasudnong koponan si Terrence Romeo.

Si Romeo wala gilakip sa Gilas  sa unang leg sa World Cup qualifiers tungod sa injury, apan sa iyang pagbalik og duwa sa PBA, seguro nga apilon kini ni Reyes.

Ang PBA mimando  sa  PBA teams nga dili pugngan ang mga players nga gusto huwaman sa national team. (BANAT NEWS)