Summer Story

So, summer na gyud, as officially declared by PAG-ASA days ago! Bahala’g init, sure ko nga nagpanikad na gyud inyong mga tiil nga mutaak sa mga dapit nga inyong buot adtuon. Naghinamhinam na inyong mga hunahuna to take a selfie, right there, right now. Ganahan na kaayo mo magmugna og Summer Story. Pakpak!

Pwes, ako nagsugod na sa akong summer story. Not the techie type of guy and always a late bloomer when it comes to apps, nakahigayon na gyud ko og pangutana kang Medyo Maldito unsa nga app iyang gigamit para sa iyang mga memes diri’s Banat News matag Lunes ug Biyernes. Unya kay naka download naman ko sa apps nga iyang gi-suggest, expect me nga karon summer mapuno gyud akong FB account og mga memes nga ako’ng mga hinimo gamit ang bag-ong app nga akong gi-download.

Aside from mga memes, I believe nga ang akong summer story will be composed of a lot of travels. Naka-schedule ang Hugyaw team nga mubalik sa Bantayan, Island, to explore more and have great fun. Didto man mi last July but sa Sta. Fe ra gyud mi kutob kay limited among time. Then we will also go to Medellin, hopefully. Adto mi sa parokya ni Fr. Lyndon Ruiz.  Unya akong mga barkada kay nagplano sab nga mulayat mi paingon sa Siquijor after the barangay elections. So mapuno gyud og laag akong summer story.

But ang dili gyud nako palabyon ug kinahanglan gyud nga mahitabo na karong summer mao ang pagsuroy na gyud diha sa Cebu Safari and Adventure Park sa Barangay Corte, Carmen Cebu. Gipanag-iya sa pawnshop tycoon nga si Michel Lhuillier, ang maong world-class zoological park adunay gidak-on nga 170 hectares. Labing lapad ni nga zoological park sa Pilipinas ug usa sa labing dako sa Southeast Asia. Kalibuan na ka mga hayop ang nanimuyo karon dinha ug gatosan ka mga matang sa mga tanom ang naglumbaanay og pasundayag sa ilang kaanyag.

Pwes, the animal and plant lover in me shall be there. Infairness, dili na ta kinahanglan nga muadto og Africa, Thailand ug Myanmar aron makakita og giraffe, zebra ug daghan pa. Naa na silang tanan sa lungsod sa Carmen. Yeah, sure na gyud ko nga mutekang didto kay akong amiga maoy nag-invite nako. Sure ko nga hassle-free, and smooth-sailing akong pagsuroy. By the way, Friday, Saturday, Sunday ra sila open diay. So dapat magpa book na mo. Ug aron hamugaway sab inyong paglaag didto, kontaka akong amiga nga gwapa nga si Aida Patana niining musunod nga mga # 09162718096 / 09171046222. Magkita ta didto!

Have a blessed Sunday, dear okRYANians and MARKers!