Gusto nga motukod og building sa giabangang yuta

Dear Atty. Divine,

Adunay beach lot sa akong lugar nga gi-offer nga paabangan. Interesado ang akong igsuon nga moabang kay iyang tukuran og resort and restaurant.

Ang gusto unta niya nga long term ang lease kay iyang tukuran og building. Apan ang iyang gikahadlokan kon ila unya nga i-preterminate ang kontrata, so mausik ang iyang investment.

Unsay angayan nga buhaton sa akong igsuon to protect her investment? Daghang salamat.— Emely

Dear Emely,

Kinahanglan nga magpirmahanay gyud og Contract of Lease ang imong igsuon ug ang tag-iya sa beach lot. Ibutang gyud sa contract nga motukod ang imong igsuon og building para sa iyang resort and restaurant business ug ibutang usab ang term kon pila ka tuig ang pag-abang.

Ilakip usab sa terms nga kon i-preterminate sa nagpaabang ang ilang kontrata, kinahanglan nga mobayad ang Lessor sa cost sa building ug sa investment sa imong igsuon. Ang tanang terms ilatid gyud sa contract ug kinahanglan nga kini notarized.

Kon pananglit dili motuman sa kontrata ang Lessor, then pwede ninyong makiha base sa kontrata ug hayan makabayad gyud sila og damages. Thanks and God bless.-Atty.  Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.