Alab Pilipinas nakauna sa Hong Kong sa semis
CEBU, Philippines — Naunhan sa Alab Pilipinas ang host Hong Kong Eastern Lions human sa ilang 98-94 nga kadaogan sa Game 1 sa ‘best-of-three’ semifinals series sa ABL didto sa Southorn Stadium sa Hong Kong.
Mas inilog ang Hong Kong sa maong serye tungod kay sila ang second seed, samtang ang No. 4 nga Gilas nanginahanglan pa nga modaog og kaduha sa quarterfinals batok sa Saigon Heat aron mosud sa Final Four.
Gipakuratan sa mga batos ni Alab coach Jimmy Alapag ang defending champion Eastern Lions kay ang import niyang si Renaldo Balkman mipabuhagay og 48 puntos.
Wala makapugong ang Hong Kong sa pagbangis ni Balkman, kinsa miguba sa depensa sa iyang mga kaatbang ilabi na batok sa Fil-German ug PBA No. 1 pick nga si Christian Standhardinger.
Ang pambato sa Eastern Lions nga si Standhardinger mihimo og 18 puntos, apan dili kini igo kay ang local star player sa Alab Pilipinas nga si Bobby Ray Parks Jr. nagmangtas sab aron moiskor og 23 puntos.
Dako’g kahigayonan nga motaak og balik sa finals ang Alab gumikan kay ang Game-2 anhi man sa Pilipinas duwaon karong Domingo didto sa Sta. Rosa, Laguna.
- Latest
