P9 milyon marijuana gipanglarot
CEBU, Philippines — Dul-an sa P9 milyones nga balor sa marijuana ang nalarot sa mga sakop sa Cebu City Police Office kauban ang mga sakop sa Philippine Drug Enforcement Agency sa Sitio Gwardyahan, Barangay Tagbao, bukiran nga bahin sa Dakbayan sa Sugbo niadtong Martes.
Ang unang operasyon gipahigayon alas 6 sa buntag diin naibot ang 14,152 ka fully-grown marijuana nga mobalor og P5.6 milyones ug ang ikaduhang operasyon gipahigayon alas 10 pasado sa buntag diin 8,380 ka marijuana ang naibot nga mobalor og P3.3 milyones.
Matud ni Leia Albiar, tigpamaba sa PDEA-7 nga walay nadakpan nga tawo atol sa maong operasyon.
Gitug-an ni Albiar nga nagkuha lang sila og pipila ka bahin sa marijuana aron himoon nga ebidensya samtang ang uban gisunog ra sa lugar diin kini gipang-ibot. (GMR) (BANAT NEWS)
- Latest
