Inspired kang Kisses

Inspirado si Tony Labrusca karon sa trabaho tungod kang Kisses Delavin. Suma pa niya nga nakatabang og dako si Kisses aron sa paghatag og igong kompiyansa sa iyang kaugalingon. “A lot of the times it feels like a place I don’t completely belong in. But, being around Kisses gave me a sense of peace, I can feel calm knowing I won’t be doing things alone. Without her even knowing it, she’s helped me build my confidence”, pag-ambit pa ni Tony.

Na-wrong gyud

Nahimuot nga maghunahuna ang komedyante nga si Pooh sa dihang gi-asoy niya nga naalaan siya og waiter sa usa ka Uber driver. Matud ni Pooh nga dugay gyud nga nakaila ang driver ug sa dihang pagtunol na niya sa iyang bayad, diha ra miila ang driver kaniya nga usa siya ka artista ugaling lang sab, naalaan na sab siya nga siya si Kuya Jobert kinsa nalakip sa Banana Sundae ug Home Sweetie Home.

Kaugalingong gusto

Wala gyud gidasig ni Ian Veneracion ang iyang tulo ka anak nga lalaki nga sila Draco, Deidre, ug Duccio nga sudlon ang kalibutan sa showbiz. “Kasi, para magkaroon sila ng sariling adventure nila in a world na wala akong kinalaman, wala akong alam. Kunwari, pumasok sila sa industry na wala akong alam doon, you know, that's their own adventure”, suma pa ni Ian.

14 years ang gap

Moabot sa 14 years ang gap ni Karen Reyes ug sa hinigugma niya nga band vocalist sa Silent Sanctuary nga si Sarkie Sarangay. Matud pa niya nga wala siya magdahom nga ingon niini kadako ang ilang age gap. “Actually nagulat din ako na, ‘Ay! Ganung taon ka na pala.’ Wala sa itsura niya nung nagkakilala kami. So nagulat ako na ganun ka-tito levels na pala siya . Ganun lang yung lokohan namin. Pero kasi mabait siya. Kasi 14 years yung age gap namin so wala lang, I find it mas masaya, kasi hindi ka mamomoblema na petty things pag-aawayan ninyo. Parang it’s more of matured kayo pareho”, suma pa ni Karen.

Nakatudlo ni Ed Sheeran

Swerte gyud ang Team Kramer gumikan kay nakahimamat ug nakahinabi nila sa personal ang Grammy-winning artist nga si Ed Sheeran. Midalikyat ang Team Kramer sa pagtudlo og Tagalog ngadto sa singer.

Swerte nga uyab

Usa gyud ka swerte nga girlfriend ang 24 anyos nga aktres nga si Jasmine Curtis-Smith tungod kay ang iyang boyfriend nga si Jeff Ortega mao gyud ang personal nga mihikutar sa birthday celebration niini niadtong Domingo. Gikalipay ni Jasmine nga atol sa selebrasyon sa iyang adlaw’ng natawhan, napadungog niya sa iyang mga bisita ang mga awit nga iyang naandan nga paminawon.

Padayon sa counselling

Giangkon ni JM de Guzman nga padayon gihapon siya sa iyang counselling session karon aron mawala na gyud ang gihatag nga epekto sa droga ngadto kaniya. Matud pa ni JM nga matag adlaw ang session nga iyang pagabuhaton ug malipayon siya sa resulta nga gihatag niini ngadto kaniya gumikan kay hinay-hinay nga gitukod pagbalik ang iyang kompiyansa sa kaugalingon.

Giregalohan si Ed

Giregaluhan ni Jinkee Pacquiao si Ed Sheeran og boxing gloves gikan kang Manny Pacquiao. Maingon nga usa kini ka regalo  ngadto sa singer gikan sa boksidor.

Simple ang kinabuhi

Simple na karon ang kinabuhi sa sikat nga Binibining Pilipinas 2008 candidate nga si Janina San Miguel kinsa mipasikat sa linya nga “I don’t feel any pressure right now”. Si Janina kinsa gituohan nga taas og maabot sa pageant industry, mipili sa kinabuhi nga dili komplikado. Gani, usa na siya ka inahan karon ug minyo na sab siya sa iyang Indian national nga bana nga si Vishal Sahota niadto pa lang 2014.

Sapot sa apohan

Sumsuman sa pagdayeg karon si Janine Gutierrez human niya gipakita sa iyang Instagram followers ang iyang mga hulagway kun diin ang mga tinipigan nga sapot sa iyang apuhan nga si Pilita Corales mao gyud ang iyang gisul-ob sa iyang latest photo shoot. Dul-an na sa duha ka dekada na ang maong sapot ug gusto sab ipakita ni Janine nga angayan sab siya sa fashion sense sa iyang mamita.