Cebu Niños hari sa DBC Valentine’s Cup 2018
CEBU, Philippines — Natuman gyud ang pangandoy sa Cebu Niños human kini mipakita og milagro atol sa fourth quarter aron pagpilde sa Privatters, 62-54 ug ingon man pagsakmit sa korona sa Dayon Basketball Club (DBC) Valentine’s Cup 2018 niadtong Sabado sa gabii didto sa Benjamin Solon Memorial Sports Complex sa Cogon-Ramos, Cebu City.
Ang Cebu Niños gilubong og 12 puntos sa halftime, 26-38. Bisan pa sa maong labaw, ang Cebu Niños padayong nakiglahugay sa third period ug tuod man nakan-an ang labaw ngadto na lang sa sayes puntos, 42-48 human sa tulo ka kuwarter.
Didto na mipakita og milagro ang Cebu Niños sa final period diin ilang na-outscored ang Privatters, 20-6 aron makuha ang tungason nga kadaogan.
Sa laing aksiyon, ang team Darwin midaog sab batok sa team Christian, 91-83 aron masakmit ang ikatulong dapit.
Lima ka players sa team Darwin ang miiskor og double figures ug usa na niini ang team owner nga si Darwin Gabutan nga mipuntos og 10.
Samtang si Christian Devilleres nakaiskor sab 10 puntos sa napilde niyang team Christian.
Ang liga nagmalampuson tungod sa pagtinabangay sa tanang miyembro sa DBC pinangulohan sa aktibong sports patron nga si Allan Abella sa tabang sa team owners ilabi na nilang Engr. Ramoncito Arquiza sa Cebu Niños, Mark Quijano sa Privatters, Darwin Gabutan ug Christian Devilleres.
Ang mga duwa gipadagan ni league commissioner Jepo Abella sa abag sa CEBRA referees nga silang Edwin Dejacto Sr. ug Fiel ‘Citom’ Gonzales.
Puntos Matag Usa
Unang duwa:
DARWIN (91) – Gacayan 15, Duhilag 15, Arcelo 13, Codilla 11, Gabutan 10, Estenzo Sr. 7, J. Arcelo 6, Delara 6, Capilitan 4, Estenzo Jr. 4.
CHRISTIAN (83) – Fernandez 14, Canaya 14, Devilleres 10, Galo 10, Geonzon 10, Vidal 8, Hirbey 5, Ardoil 3, Orebella 3, Undangan 3, Cuyos 3.
Ikaduhang duwa:
CEBU NIÑOS (62) – Canedo 13, J. Canedo 12, Arellano 10, Bajador 10, Relevo 6, Caballeda 5, Ilaida 2, Gumera 2, Cuizon 1, Titong 1.
PRIVATTERS (54) – Rosano 10, Flores 10, Quijano 8, Barrida 6, Esbiel 4, Alvarez 4, Manuel 3, Castillo 3, Son 2, Rojas 2, J. Rojas 2. (BANAT NEWS)
- Latest
