Adunay agianan

Kini ang atong makita kun ang tawo na gani mahigugma. Daghan siya og ikasulti ug labaw na nga daghan siya og pamaagi mahatagan lang og katumanan ang iyang gipamati. Kini ang hinungdan kun nganong daghang mga tawo ang maantigong mosuway sa balaod mamakak ug uban pa. Tungod sa gugma daghang mga tawo ang nahimong wala makakita sa kamatuoran nga usahay mahimo silang dulaan o dili ba kaha luiban. Ang dalan sa Krus kasinatian sa gugma nga lisud sabton apan ingon ini ang gugma nga Diosnon. Maantigong mag-antus, ug ang pinakadakong nahatag mao ang kinabuhi sa manunubos. Kini ang hinungdan kun nganong hangtud karon ang kasinatian sa kwaresma, kasinatian usab sa grasya kay ang gugma ni Kristo, gugma sa kinabuhi ug makahatag og kinabuhi kanatong tanan.