Sundon gyud ang hustong spelling sa pangalan sa birth certificate

Dear Atty. Divine,

Duna ko’y pangutana labot sa first name sa akong anak. Grade 1 na ang akong anak ug ang name niya nga anaa sa iyang Birth Certificate mao ang “Maria Therese”, apan sa record sa maestra Ma. Therese may gibutang.

Angay ba nako nga ipausab ang iyang name sa record sa school? Kon ako ning pasagdan, dili ba ko maproblema niini? Unsay angayan nako nga buhaton? Daghang salamat. — Luna

Dear Luna,

Mas maayo nga imong pakurehian ang record sa maestra labot sa name sa imong anak from Ma. Therese to Maria Therese. Angay nga ang name nga anaa sa NSO mao gyud ang imong ipasunod sa maestra.

Mas maayo nga mo-submit ka og copy sa birth certificate sa imong anak ngadto sa maestra aron iyang mausab ang iyang record kay kon dili kini nimo usbon, hayan maproblema siya later on, ilabi na kon mo-graduate siya kay dili man magtakdo ang iyang name sa school records ug sa iyang Birth Certificate sa NSO.

At least, kon makurehian nimo karon, inigtapos sa klase ang husto nga spelling sa iyang name mao na ang mo-appear sa iya unyang card.  Thanks and God bless.- Atty. Divine

** *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.