Mister, kalaguyo naaktuhan ni misis

TUGUEGARAO CITY, Cagayan, Philippines — Kalaboso ang bagsak ng 29-anyos na mister at kalaguyo nito makaraang maaktuhan ng kanyang misis na magkaulayaw sa hotel sa Barangay Rizal St., Santiago City, Isabela noong Martes.?

Kinilala ni P/Chief Insp. Rolando Gatan, hepe ng City Police Station one ang mga nadakip na sina Jaymar Oralio at Joanna May Tobias, 26.?

Ayon kay Gatan, kasama ng mga pulis ang nagrereklamong misis na si Lealyn Oralio, 27,  nang sugurin nila ang kuwarto ng magkalaguyo na katatapos lamang magsikain nang madatnan.?

Ayon sa misis, matiyaga niyang sinundan ang kanyang mister at kerida nito mula sa kanilang bayan sa San Isidro hanggang humantong ang dalawa sa hotel kung saan sila nagsalo ng kaligayahan.