Shelves na Tipid sa Espasyo

Isa sa mga problema ang espasyo sa bahay. Hindi naman lahat sa atin ay may malaking espasyo sa bahay para lagyan ng mga anik-anik.

Ang paglalagay ng shelves at cabinet ang isa sa mga kailangan sa bahay para malagyan ng mga gamit. Pero paano kung kulang kayo sa espasyo sa bahay? Ano nga ba ang kailangang gawin para makapagpanalili ng isang maayos at organisadong bahay?

Isa sa solusyon ay ang paggawang built-ins. Kung may extra kayong dingding ay maganda itong gawing shelves para lagayan ng libro, display at anik-anik.  Mas maganda rin itong tingnan dahil bukod sa malinis ay may ilusyon pang mas malawak ang espasyo dahil open space ito.

Maghanap lamang ng magandang materyales na babagay sa inyong bahay o kuwartong paglalagyan.

Ito po ang inyong Kumpunerong Kuya na nagsasabing, kung gusto maraming paraan!