Barbie nakahanap ng true love!
MANILA, Philippines — Ngayong Sabado (Enero 6) sa Magpakailanman, tunghayan ang isang siksik, liglig, at nag-uumapaw sa aral na kuwento ni Dang, isang dalagang pinagkaitan ng kaseksihan.
Itinatampok sa episode na pinamagatang Tinimbang Ka Ngunit Sobra: The Melinda Mara Story ang award-winning actress na si Barbie Forteza bilang Dang/Melinda.
Makakasama rin niya sina Jak Roberto, Sherilyn Reyes, Robert Ortega, Stephanie Sol, Lucho Ayala, Eunice Lagusad, Angel Satsumi, Althea Ablan, at Bruce Roeland.
Si Dang ay isang dalagang pinagkaitan ng kaseksihan. Lumolobo sa laki at halos makasira ng timbangan dahil sa kabigatan. Palagi pa siyang naikukumpara sa kanyang maganda at seksing kapatid. Kaya bumaba ang kumpiyansa niya sa sarili at pati sa kanyang lovelife, hindi siya nagwawagi.
Noong nag-college na si Dang, feeling niya ay natagpuan na niya ang kanyang ‘the one’. Kaya more push siya sa ka-sweet-an at pakikipaglambingan kahit hindi naman sila ng love of her life na si Adrian. Pero kapag umamin kaya siya ng true feelings niya, sasaluhin kaya siya ni Adrian sa kabila ng kanyang timbang? Pa-fall nga ba si Adrian o sadyang assumera lang si Dang?
Abangan lahat ng ‘yan, pati na ang mga challenge na nagpatatag kay Dang at ginawa niyang tuntungan para baguhin ang kanyang sarili. Anu-ano kaya ang mga aral niyang natutunan mula sa mga kabiguang ito at sa kanyang dambuhalang pagbabago? Matatagpuan pa nga ba niya ang lalaking tunay na magmamahal sa kanya at tatanggap sa kanyang pagkatao?
Mula sa direksyon ni Rechie del Carmen, huwag palampasin ngayong Sabado ang Magpakailanman pagkatapos ng Pepito Manaloto sa GMA7.
- Latest
